Pacquiao Wagi Na Naman!

Isang malugod na pagpupugay para kay Manny Pacquiao at siya'y nanalo sa laban niya kay David Diaz sa pamamagitan ng pagpapatumba sa loob ng ika-9 na round! Sa panalong iyon ng WBC lightweight na kampeonato ay naging kauna-unahang Pinoy at Asyano si Pacquiao na nakakamit ng titulo sa 4 na magkakaibang timbang/dibisyon sa boksing.

Napanood ko ang laban sa telebisyon at kahanga-hanga ang ipinakita ni Manny na bilis, tibay at galing. Tunay ngang bayani si Pacman at lubos pang magiging dakila kung ibabahagi nga niya ang parte ng kaniyang napalanunan bilang tulong sa mga nasalanta ng bagyong Frank.