Tuna Sandwich

Naroong nasa kolehiyo ako, may panahong pinagkumpa-kumpara ko ang mga iba't-ibang powdered na orange juice. Pinakamasarap para sa akin noon ang Tang. May panahon naman na ang Ceasar's Salad ng ibat-ibang restaurant ang ikinumpara ko. Nangunguna para sa akin ay ang sa Tony Roma's at Mario's. Nitong mga nakaraang araw, sa paglilibot ko ay naipagkumpara ko naman ang Tuna Sandwich ng ilang mga kainan (ang mga sadwich ng Coffee Bean and Tea Leaf, Oliver's Super Sandwiches, Subway, at Almon Marina).

Presyo: Pinakamahal ang sa CBTL at pinakamura ang sa Oliver's.
Gulay: Ang sa subway ang may pinakamaraming halong sangkap na gulay, sumunod ang Oliver's at Almon.
Lasa: Halos pantay ang CBTL at Oliver's sa linamnam ng tuna.
Tinapay: Sa Subway at CBTL ay maari kang pumili ng tinapay, pero ang CBTL lamang ang mayroong Foccacia.
Preparasyon: Sa Oliver's at Subway ay nakikita mo habang ginagawa ang iyong sandwich.
Presentasyon: Sa CBTL at Almon naman ay nakalagay sa plato ang iyong sandwich, at may kasamang side salad ang sa CBTL.
Lugar: Maliit at medyo masikip ang kainan sa Oliver's at Subway. Kung nais mo ay makapag-relaks din ay mas maganda ang lugar ng Almon at CBTL.
Inumin: Depende sa gusto mong kasamang inumin ng iyong sandwich, mas maraming pagpipilian sa Oliver's at Almon, pero ang CBTL lamang ang may kape at tsaa.
Iba pang pagkain: Ang Almon ay may pasta/sandwich na kombinasyon, ang Oliver's ay may soup/sandwich naman, ang CBTL ay may mas masasarap na dessert, ang Oliver's ay may mga ibang salad tulad ng fruit at potato.

Para sa akin, nangunguna ang Tuna sandwich ng CBTL. Depende sa sitwasyon, kung akoý nagmamadali naman, ay mas pipiliin ko kumain sa Oliver's. Nais ko lang banggitin na masarap din ang soup/sandwich (vegeatable/tuna) comibination ng The Soup Kitchen.

'Yun lang! :-)

Pahabol...
Sale sa Araneta Center at sa mga SM sa Apr 28, 29 at 30!

Mas dumami ang graphic novels sa Bibliarch. Mas kumpleto na siya kaysa sa Power Books, National o Filbar's. Sayang lang at hindi sila On Sale.

Pansin niyo ba na sobrang dami na ng commercial/endorsement ni Pacquiao? Meron siyang SMB, Magnolia Milk, Dolly Tuna, McChicken, Alaxan, Circulan, No Fear at marami pa.